Plantun de Prouvènço

Pèr coumpara dos planto d'encò nostre

Trigonella sulcata & Vicia sallei

Trigonella sulcata

Fabaceae Leguminosae

Noms en français : Mélilot à fruits sillonés, Mélilot silloné.

Descripcioun :
Aquest melilot, de 10 à 65 cm d'aut, a d'enflourejado proun sarrado. Se recounèis à si flour jauno que lis alo soun mai courto que la carèno e subretout à si fru regueja. Lis estipulo dóu mitan soun proun dentado. Es uno planto d'ermas que trachis proche de la mar e que se recounèis à si flour de 3 à 4 mm au contre de la meno proche Trigonella segetalis que li flour soun mai grando, de 4 mm (encaro mai pichoto èi Trigonella smallii).

Usanço :
Couneissèn pas d'usanço particuliero pèr aquelo planto. Ei bessai procho d'aquelo de Trigonella officinalis. Escriéure au site se n'en sabès mai.

Port : Erbo
Taio : 10 à 65 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 4 à 5 mm
Flourido : Printèms

Sòu : Ca
Autour basso e auto : 0 à 800 m
Aparado : Noun
Remarco : Planto de coustiero
Mars à Jun

Liò : Ermas - Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Trigonella sulcata (Desf.) Coulot & Rabaute, 2013 (= Melilotus sulcatus subsp. sulcatus (Desf.), 1799 )

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).